Occitan

A. Lo prèmi Pirene qu’a per objectiu de promòver ua coneishença mei bona de la realitat pirenenca en tots los aspèctes. Tots los reportatges jornalistics (de premsa, de ràdio o de television) qui tractan d’un subjècte ligat aus Pirenèus que pòden concórrer, a condicion que los avossen publicats o difusats enter lo 1èr de julhet de 2007 e lo 30 de junh de 2008.

B. Los reportatges candidats au prèmi que pòden estar redigits en l’ua de las lengas d’usatge deus Pirenèus (catalan, francés, castelhan, basc, aragonés o occitan). Los reportatges en anglés que son tanben acceptats.
Entà facilitar la lectura peus membres de la jurada, los reportatges en euskara qu’an de hornir ua traduccion (en catalan, francés o castelhan).

C. Los reportatges qu’an d’estar presentats en 5 exemplars qui deven estar còpias de qualitat excellenta, acompanhats au mensh d’un exemplar de la publicacion originau. Los reportatges de ràdio e de television qu’an d’estar presentats en 5 exemplars enregistrats sus caisheta, compact-disc, DVD o vidèo VHS, acompanhats d’un certificat d’emission signat pel/per la director/tritz de l’estacion emetedora.
Que son acceptats los tribalhs difusats per Internet.

Los tribalhs qu’an de mentàver lo nom e l’adreça de l’autor/a e un telefòne o ua adreça electronica de contact.

D. La dotacion d’aqueth prèmi Pirene es de 6.010 € autrejats peu Govèrn d’Andòrra : 3.005 € per un reportatge de ràdio o de television e 3.005 € per un reportatge de premsa escriuta.

E. La jurada que serà compausada de cinc personas: professionaus deu monde de la comunicacion deus maines de la premsa, de la ràdio e de la television, e tanben de representants deu Govèrn d’Andòrra.

F. La jurada que poderà excepcionaument préner en compte, dab lo consentament prumèr deus lors autors, tribalhs en quina modalitat deu prèmi que sia qui, segon era, serén en l’esperit deu prèmi, quitament se non son pas estats presentats.

G. La jurada que seguirà ua procedura de vòtes successius dinc a l’obtencion d’ua majoritat en favor d’un reportatge determinat. Lo prèmi que pòt non pas estar autrejat. Lo verdicte qu’ei shens apèu.

H. Los reportatges candidats au prèmi Pirene qu’an d’estar presentats peus lors autors respectius o peus lors representants legaus abans lo 31 de julhet de 2008 a:

BIBLIOTECA PÚBLICA
Edifici Prada Casadet, baixos
AD500 Andorra la Vella
(Principat d'Andorra)

Que cau mentàver que lo reportatge que concor au prèmi Pirene.

I. Lo verdicte de la jurada que serà comunicat au mes de noveme de 2008.

J. Los reportatges non premiats que poderàn estar retirats auprès de la Bibliotèca Pública del Govern un mes après la proclamacion deu prèmi e pendent los tres mes qui seguiràn.

K. Presentar reportatges qui participin au prèmi qu’implica l’acceptacion d’aqueste reglament e de las obligacions que i son ligadas.

Se voletz informacions mei :
tel.: + 376 828750
a/e: bibliopublica@andorra.ad
pagina web: www.pirene.ad