Euskera

A. Pirene Sariaren bidez Pirinioen berri eman nahi dugu, horretarako ahalik eta ikuspegirik zabalena erabilita. Pirinioekin zerikusia duten kazetaritza-lanak izango dira hautagai, 2007eko uztailaren 1etik 2008ko ekainaren 30era bitarteko epean egunkarietan, irratietan zein telebistetan agertutakoak.

B. Parte hartzeko aurkezten diren lanak Pirinioetan erabiltzen den edozein hizkuntzatan eginak izan beharko dira: katalanez, frantsesez, gaztelaniaz, euskaraz, aragoieraz, okzitanieraz edo araneraz. Ingelesez egindako lanak ere onartu egingo dira. Epaimahaiari irakurketa errazteko, euskarazko lanekin batera lanen itzulpena aurkeztu beharko da, gaztelaniaz, katalanez edo frantsesez.

C. Prentsako lanekin batera jatorrizko argitalpen bat gutxienez eta kalitate handiko beste 5 kopia aurkeztu beharko dira. Irrati eta telebistakoei dagokienez, 5 kopia aurkeztu beharko dira kasetean, disko trinkoan, DVDn zein VHS bideoan grabatuta. Gainera, irrati edo telebistako zuzendariak sinatutako emanaldi-ziurtagiria aurkeztu beharko da. Internet bidez hedatutako lanak ere onartuko dira.

Lanetan egilearen izen-abizenak eta helbidea jarri behar dira, baita harekin bat egiteko telefonoa edo posta elektronikoa ere.

D. Pirene izeneko hamargarren sari honi dagokion diru-kopurua 6.010 eurokoa da, Andorrako Gobernuak emandakoak. Horren erdia, hau da, 3.005 €, irrati edo telebistako erreportaje batek jasoko du. Beste erdia, prentsan argitaratutako batek.

E. Epaimahaian bost pertsona izango dira: komunikabideetako profesionalak (prentsan, irratian eta telebistan adituak) eta Andorrako Gobernuko ordezkariak.

F. Epaimahaiak, salbuespenez eta egileek baimena eman ondoren, prentsa, irrati edo telebistako edozein lan hartu ahal izango du kontuan sarira aurkeztu ez arren, epaimahaiak sariaren espirituarekin bat datozela baderitzo.

G. Irabazlea aukeratzeko modua: epaimahaiak behin eta berriro bozkatuko du, erreportaje batek boto gehienak lortu arte. Saria eman gabe geratzea ere posible da. Epaimahaiaren erabakia aldaezina da.

H. Lanak egileek edo egileen legezko ordezkariek aurkeztu behar dituzte, 2008eko uztailaren 31 baino lehen, helbide honetan:

BIBLIOTECA PÚBLICA
Edifici Prada Casadet, baixos
AD500 Andorra la Vella
(Principat d'Andorra)

Gainera, lana Pirene sarian parte hartzeko dela idatzi behar da.

I. Epaimahaiaren erabakia 2008eko azaroan ezagutaraziko da.

J. Saria ematen denetik hilabete pasa ondoren, saritu ez diren lanak berreskuratzeko aukera izango dute egileek, hiru hilabeteko epean, helbide honetan: Biblioteca Pública del Govern.

K. Erreportajea aurkezteak oinarriak onartu direla esan nahi du, oinarriek sortutako eskubide eta betebeharrak barne.

Beste argibiderik nahi izanez gero:
Tel.: + 376 828750
E- maila: bibliopublica@andorra.ad
web-orria: www.pirene.ad